Пред малку се огласи министерот Оливер Спасовски и соопшти убави вести за граѓаните кои сеуште ги немаат заменето личните документи!
Има обрасци за пасоши, издавањето документи продолжува и по 12 февруари, уверува Спасовски
Министерот за внатрешни работи Оливер Спасовски денеска изјави дека има обрасци за патни исправи, откако омбудсманот Насер Зибери во неделата во интервју за Радио Слободна Европа рече дека граѓаните се жалат до Народниот правобранител дека МВР не го почитува законскиот рок за издавање на патни исправи и кажа дека МВР има недостиг на обрасци за патни исправи, како и за другите документи.
-Има обрасци за пасоши, една нова количина ќе стигне в понеделник, после една недела ќе стигне и втората количина, така што обрасци во овој дел има и не треба воопшто да се грижиме дали ќе продолжи целиот процес, рече Спасовски во одговор на новинарско прашање дали има обрасци за патни исправи по панелот „Северна Македонија – безбедна членка на НАТО со европска иднина“.
Во однос на турканиците што се создаваат за вадење лични документи, а чиј рок е до 12 февруари, Спасовски кажа дека на 12 февруари не престанува издавањето документи.
-Во 2021 година имаме изработено само 120.000 документи, а тоа говори дека сме си ги оставиле обврските за подоцна или да чекаме до последен ден. Ако погледнеме територијално, внатрешноста на државата, си ги има завршено работите скоро сто проценти.
Тоа се случува за жал во Скопје, меѓутоа и тука имаме сериозен напредок, самата бројка на издадени над 1,25 милион патни исправи и над 1,1 милион лични карти и околу 550.000 возачки дозволи говори дека процесот се доведува до крај.
И најважно од се е дека на 12 февруари не престанува издавањето документи, тие ќе можат и понатаму да се издаваат, вели Спасовски.
Mинистерот за внатрешни работи Оливер Спасовски рече дека неколку пати досега министерството споделувало во јавноста дека личните карти важат и по 12 февруари, во интервју за ТВ21.
„Владата не донесе одлука затоа што законот за личните карти не е променет. Тоа беше јасно од самиот почеток дека нема да има промена на личните документи. Ние неколку пати кажавме дека личните карти ќе важат и по 2 февруари, не заради тоа што се во домашна употреба, туку заради тоа што Законот не е изменет, во којшто се остава рок на важење на личните карти.
Таков рок имаме во патните исправи затоа што директно е поврзано со склучувањето на Преспанскиот договор, односно ќе треба промена на патните исправи”, рече Спасовски.
