Првата дама на Америка, Меланија Трамп, важи за дама со непогрешлив стил.
Таа често го следи својот сопруг на патувањата, а она што многумина го забележуваат е нејзиниот беспрекорен моден стил. Речиси во ниту една нејзина комбинација не можете да пронајдете грешка, а најчесто ја гледаме во елегантни изданија што подразбира фустани, елегантни високи потпетици и паметно избрани модни додатоци.
Но првата дама ни покажа дека и кога „фура“ и поопуштен стил повторно знае како да изгледа феноменално. Имено, таа деновиве се појави со синот и сопругот во обична бела маица со кратки ракави која ја носеше со зелено здолниште од „Фенди“, но и шик високи потпетици со животински дезен кои одлично се вклопија во ова нејзино Меланииздание.
Во прашање е одличен пример со кој убавата Словенка ни покажа дека памучната бела маица не стои добро само во спортските изданија, напротив можеме да ја комбинираме и со здолништа, но и со фармерки и панталони и повторно да постигнеме ефектна и класична комбинација.
