Првата дама во ова издание ги освои срцата на цела Македонија – во претседателската палата никогаш не било олку весело
Првата дама на Македонија ги растопи срцата на илјадници.
Првата дама на Македонија, Елизабета Ѓорѓиевска важи за вистинска дама која плени со својот шарм, а деновиве заедно со претседателот и нејзин сопруг Стево Пендаровски остварија средба со членовите на здружението за рехабилитација и инклузија на лица со Даунов синдром „Дневен центар Доза среќа“.
Првата дама облечена во едноставна комбинација со бела елегантна кошула и црни панталоно им честиташе за успесите на светските натпревари за млади иноватори и на натпреварот за наука, животна средина и инженерство, од каде се вратија со три златни и еден сребрен медал, како и со специјална награда на жирито.
Со топли прегратки и насмевки таа заедно со Пендаровски им посакаа многу успех на претстојниот светски натпревар којшто ќе се одржи во август во Канада, а на кој ќе учествуваат со проект на тема лековити билки и нивна примена.
Елизабета е позната по својата работа како хуманитарец и активист.
Таа за време на пандемијата на сите ја нагласи потребата за промена на начинот на производството, продажбата, консумирањето и фрлањето на облеката.
„Со облеката што ја носиме, да ја прикажеме нашата грижа за животната средина, одговорно управување со природните ресурси и почитување на работничките права во производството на облека. Да го поддржуваме локалното производство и модни дизајнери, да ја донираме и подаруваме облеката која не ја носиме“, напиша таа на социјалните мрежи.
Бети често се појавува и на хуманитарни настани, а желбата да помогне на другите ја покажува и со тоа што работи како доктор (стоматолог).
Претходно првата дама заедно со претседателот Стево Пендаровски и членови од претседателскиот кабинет подготвуваа храна за бездомни и социјално загрозени лица, како поддршка на долгогодишната активност на неформалната граѓанска иницијатива „Ретвитни оброк“.
Ова беше трета по ред заедничка активност на Кабинетот на претседателот и „Ретвитни оброк“, при што досега се подготвени 300 оброци, а поради претстојните празници и со оглед на тоа дека се одржа за време на велигденските пости, храната која ја приготвија беше посна.
Повеќе од 20 години е во среќен и хармоничен брак со претседателот Стево Пендаровски, а плод на нивната љубов е синот Огнен.
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
Фото: Елизабета Георгиевска/ Инстаграм
