Почина осумгодишно девојче откако му беше извадено запчето – мајката се огласи по големата трагедија
Девојчето се задушило од својата сопствена крв
Осумгодишно девојче од Колумбија почина откако му беше изваден заб при посета на стоматолог
Салом Бохоркез (8) почина по посетата на стоматологот.
Како што пренесуваат медиумите, нејзината мајка, Азукена Тријана изјавила за локалните медиуми дека ја однела својата ќерка на забар откако Салом се пожалила дека ја боли забот.
Таа имала син и ќерка, кои се близнаци, а за нивните заби се грижел Хозе Херера, забар кој и овој пат ја прегледал.
Мајката скршена од болка изјави дека забарот побарал рендгенски снимки од блиската лабораторија и дека сликите покажале дека на девојчето треба веднаш да и се извади запчето.
Фото: Социјални мрежи
По вадењето на забот била пренесена во болница
Тријана изјавила дека нејзината ќерка Салом почнала да крвари по вадењето на забот и дека докторот Херера доброволно се понудил да ги пренесе до болницата во Сан Хуен де Диос.
„Девојчето беше живо. Жива влезе во болницата. Но не можеа да направат ништо за неа“, се задуши во сопствената крв, изјави мајката.
Како што објавија медиумите, на девојчето и била дијагностицирана анемија од која закрепнувала по третманите што и ги дал педијатарот.
Фото: Социјални мрежи
Семејството вели дека смртта на детето најтешко ја поднел нејзиниот брат близнак Николас со кого биле неразделни.
Тие ја опишаа ученичката во трето одделение како девојче кое сакало да пее и да создава содржина за ТикТок.
Фото: Социјални мрежи
Ни подари осум години среќа. Таа беше центарот на забавата во нашиот дом, изјави нејзината постара сестра Марија Бохоркез.
Семејството не го обвинува забарот Херер за неочекуваната смрт на нивната осумгодишна ќерка.
„Нема да го обвинуваме забарот. Прво ајде да почекаме да видиме што ќе кажа обдукцијата“, изјави мајката.
„Дејли мејл“
