Поранешната сопруга на Кајмакоски си фати ново момче?
Кристина Димитријевска објави фотографија на социјалните мрежи на која позира со Гастоз.
Имено, откако се појавија фотографиите некои наши медиуми објавија дека Кристина е во врска со Ненад Маринковиќ Гастоз, па манекенката сама го демантираше тоа со објава на која го напиша следниот коментар.
„Ако објавам слика со дедо ми, и него ли ќе ми го напишете како дечко? Ве разбирам, но бидете креатини, а не злобни?“ напиша Кристина на својот Инстаграм.
Инаку, Кристина за дружбата со познатата српска ријалити фаца носеше кусо црно фустанче и сако, а на сите во фокусот им беа нејзините долги убави нозе кои дополнително ги истакна со високите црвените чизми.
Македонската убавица едноставно блескаше во ова издание покрај Гастоз, а како изгледаше погледнете во продолжение.
Инаку, Кристина важи за една од најубавите и најпознатите манекенки во Македонија, а неодамна ја освои и титулата „Мис фотогеничност“ на „Miss Globe 2019“. Таа откако се раздели од Даниел Кајмаковски реши повторно да се врати во манекенските води, а во меѓувреме снимаше и спот во кој се проба и како пејачка. Таа е мошне актуелна и на социјалните мрежи каде за кратко време стекна неколку илјади фанови, а токму преку нив се запозна и со поранешниот победник на популарното шоу „Парови“, Гастоз, кој не остана рамнодушен на нејзините провокативни фотографии.
Но очигледно тие сега за сега се само пријатели, а Кристина се уште е сама, или барем се уште се нема пофалено дека има некој нов во нејзиниот живот.
