Поради загубата на внучето Цеца донесе одлука што никој не ја очекуваше: “Анастасија се уште се опоравува, ова не е време за славење”!

Иако се очекуваше својот јубилеен 50-ти роденден Светлана Цеца Ражнатовиќ да го прослави со многу гости и да направи забава за паметење, сепак како што објавија медиумите таа одлучила оваа година да не го слави јубилејниот роденден.

Иако со месеци ја подготвуваше роденденската прослава која беше закажана за во еден познат белградски хотел со помош на нејзината сестра и најблиските пријатели, Цеца се откажала од прославата поради се што и се случило на нејзината ќерка Анастасија која се уште се опоравува од загубата на своето бебе.

Пејачката 14 јуни, денот на нејзиното раѓање, ќе го помине во својата вила во Љутиче Богдана, опкружена со најблиските.

– Цеца беше наговорена од нејзината сестра Лидија и пријателите оваа година да направи голема прослава за нејзиниот роденден. Иако на почетокот не била за тоа, кога сфатила дека со месеци не се откажуваат од таа идеја и дека се ќе организираат, некако прифатила. Таа веќе почна да се подготвува за тој ден, да избере фустан за таа вечер, но пред неколку дена сепак одлучи да ја откаже прославата. Сфатила дека поради Анастасија и нејзината состојба се уште не е време за голема радост. Иако и самата Анастасија беше за одржување на забавата, Цеца по разговорот со неа и со останатите членови на семејството реши дефинитивно да се откаже од таа идеа. Едноставно, не би се чувствувала добро поради се и знае дека не би била атмосферата таква каква што знае да биде на сите прослави што ги приредуваат Ражнатовиќ – рекол извор близок до ова семејство.

Да потсетиме, својот трет роденден неодамна го прослави и првиот внук на Цеца, Жељко, но поради ситуацијата со Анастасија, Ражнатовиќ немаа голема прослава, туку роденденот го прославија во кругот на семејството во Тител.