Половина од луѓето не ги менуваат гаќите секој ден, а мажите ги носат и по една недела

Шокантна студија откри дека повеќе од половина од луѓето не ја менуваат долната облека секој ден.

Компанијата Томи Џон ги испита навиките на илјадници Американци. Тие откриле дека 45 проценти од луѓето што биле опфатени во анкетата носи исти гаќи два дена или подолго. Дури 13 проценти од испитаниците признале дека во исти гаќи поминале цела недела, па и подолго.

Кај мажите, ова е почеста појава

Мажите се со два и пол пати поголема веројатност да бидат во едни исти гаќи седум дена па дури и подолго.

„Резултатите се приближно рамномерно распоредени меѓу мажите и жените, што го побива верувањето дека жените се повеќе свесни за хигиената отколку мажите“, вели претставник на компанијата што ја спроведе студијата

Исто така, според ова истражување, луѓето како да се „врзани“ за својата долна облека. 46% од испитаниците признале дека нивната долна облека сигурно не била фрлена најмалку една година. 38 проценти изјавиле дека немаат идеја колку долго ја поседуваат својата омилена долна облека.

Експертите советуваат да ја менувате долната облека на секои шест месеци до една година затоа што таа создава микроорганизми кои можат да доведат до габична инфекција или воспаление на уринарниот тракт.

Според една британска студија од 2017 година, 83 проценти од чистата долна облека веќе содржи околу десет илјади бактерии, од кои повеќето доаѓаат од машини за перење, бидејќи луѓето ретко ги чистат. Од друга страна пак, една интернет истражување што го спроведе „Mulberry’s Cleaners“, и тоа истата година со претходното истражување, покажа дека 18% од мажите и 10,5% од жените во Велика Британија воопшто не ја мијат долна облека.