Декември на многумина им е најубавиот месец во годината.
Пред нас е Нова година, па Бадник… што значи дека сега е вистинското време да се најдат совршени и креативни новогодишни подароци. Но зошто не бидеме креативни оваа година и да ги израдуваме најблиските со домашниот џин, кој можеме сами да го направиме? Ова е совршен начин да подарите оригинален и малку поинаков подарок, а притоа и да покажете и колку сте внимателни.
Сезоната не е резервирана само за неверојатна храна, туку исто така е исполнета со прилики во кои можете да пробате нови пијалаци кои ќе ви дадат најубав новогодишен дух. Џинот како пијалак никогаш не бил попопуларен, а во текот на изминатата година имаше и огромен пораст на коктелите од џин. Поради овие причини, решивме да ви презентираме еден едноставен, но доста ефективен рецепт за празничен, новогодишен џин, кој ќе послужи како совршен подарок за вашите најблиски. Се што ви треба од состојките е 50 милилитри од кој било „dry“ џин, 20 милилитри сок од лимон, 12,5 милилитри сируп од медењаци, цимет, боровинки и ѓумбир за декорација.
Започнете со интересна тегла што всушност ќе биде најважниот дел од вашата изработка, со оглед на тоа што нејзиниот изглед е оној што му дава на овој пијалак посебна димензија. Прво, стерилизирајте го стаклото и потоа вметнете ги сите состојки кои ги споменавме. Пополнете ја теглата со мраз и добро ја протресите. Оставете ја 24 часа на ладно место и пробајте за да бидете сигурни дека сте го добиле вкусот што ви одговара, и ако сакате, можете да додадете други зачини како кора од портокал. Можете да си поиграте со декорацијата додавајќи ѓумбир или ефективни шарени стапчиња во облик на лижавче. Бидете креативни во вашето дарување за Нова година, и најдобро е да одите со нешто како што е овој едноставен „gingerbread gin“ кој ќе ги освои сите!
