Познатата пејачка на матурска со девојчето што трпеше врсничко насилство и кое беше бездушно понижувано од сокласниците

Познатата фолк-пејачка Сека Алексиќ ги воодушеви сите со тоа што одлучи да и даде поддршка на едно девојче кое беше жртва на врсничко насилство.

Таа вчера го посети гратчето Врбас, се запозна со семејството на Миа и беше нејзина придружничка на матурската.

Матурантката Миа блескаше во црниот фустан, а кога ја виде Сека веднаш ја гушна и ја бакна пред сите.

Пред нејзината куќа беа собрани комшиите кои беа дојдени да ја видат Сека и нивната комшивка која слави матурска.

Потсетуваме, пред неколку недели на Твитер, од страна на една корисничка на оваа социјална мрежа, беше споделена приказна за девојче кое било понижувано од своите врсници во едно училиште во Врбас.

„Врсниците донеле бакарна жица во училиштето за да се исмеваат со девојчето бидејќи е Ромка, алудирајќи на стереотипот дека Ромите собираат бакар. Нејзиниот татко вози камион низ Европа, а мајката има цвеќара. Никој не сака со неа да оди а матура“, пишуваше тогаш н Твитер.

По ова се огласи познатата пејачка:

„Јас ќе одам со неа на матурска. Каде е тоа девојче?“ напиша тогаш Сека Алексиќ и го исполни ветувањето.

Приказната за ова девојче од Врбас погоди многумина, така што и други јавни личности се јавија да и дадат поддршка на девојчето на кое заради ромската националност врсниците во училиштето и „подариле“ парче бакарна жица со зборовите: ‘Твоите секако собираат бакар, па да допринесеме“. Во пресрет на матурската вечер, момчето од нејзиниот клас што требало да и биде партнер, се откажало со неумесна шега дека се плаши дека таа ако по пат видат велосипед, нема да може да не го украде, пренесува „021.рс“.

Фото: Инстаграм/ Сека Алексиќ

Фото: Инстаграм/ Сека Алексиќ

Фото: Инстаграм/ Сека Алексиќ

Фото: Инстаграм/ Сека Алексиќ

Фото: Инстаграм/ Сека Алексиќ

Фото: Инстаграм/ Сека Алексиќ

Фото: Инстаграм/ Сека Алексиќ