Шеф Никола од Брза кујна ги раздрма социјалните мрежи
Најпознатиот готвач во Македонија Никола Мишковски, попознат како Шеф Никола од гледаното кулинарско шоу „Брза кујна“ за својот роденден доби специјална честитка од својата сакана сопруга Стефанија.
Имено, тој деновиве го прослави својот роденден, а најубавата честитка ја доби токму од својата сакана.
„Те сакам повеќе од вчера, но помалку од утре… Од ден на ден мојата љубов кон тебе е се’ поголема. Среќен роденден моја душички и ти посакувам сите желби да ти се остварат“, напиша Стефанија на својот профил на социјалните мрежи и сподели видео направено од заеднички фотографии.
Инаку, Никола и Стефанија неодамна се заколнаа на вечна љубов. Тие не направија класична свадба, туку журка на која беа бројни познати фаци и за која уште долго време ќе се зборува. Стефанија е во блажена состојба, а тоа можеме да го видиме и од нивните заеднички фотографии што и двајцата редовно ги објавуваат на социјалните мрежи.
