Холивудскиот актер повторно плови во романтичните води
Бред Пит (55) има нова девојка која не е од светот на шоубизнисот, пренесуваат странските медиуми.
Познатиот холивудски актер е во врска со 11 години помладата американска дизајнерка на накит и духовен учител, Сат Хари Калс (44).
Тие заедно се појавија неодамна на прославата по повод новиот филм на Бред Пит До ѕвездите, пишува „Дејли меил“.
Сат Хари Калс (лево)
Но за да не го предизвикаат вниманието на јавноста, тие решиле свеченоста да ја напуштат одвоено.
Бред Пит и на 55 години изгледа неодоливо
Познатиот холивудски актер се нема појавено на насловна страна од 2017 година кога во светот одекна веста дека се разведува од Анџелина Џоли.
Но сега, од неговите нови фотографии што ги објави познатиот магазин „GQ“, милиони жени ширум светот останаа без здив. Тие предизвикаа бура на социјалните мрежи, а коментари како „Кога ќе престанам да се палам на него и зошто никогаш?“ беа едни од најзастапените под секоја од нив.
„Станува збор за тоа дека стануваш само проклето постар. За тоа како повеќе си свесен за времето, и дека имаш поголемо искуство, добро или лошо, со луѓето. Твоите сопствени победи и загуби – колку си постар не ти делуваат повеќе толку важно. Со кој го поминуваш времето, како го минуваш времето – тоа ми стана многу позначајно“, изјави Бред.
Познатиот холивудски актер меѓу другото објасни и дека поминал низ различни фази на духовноста, но дури неодамна ја сфатил суштината која што ја посакувал.
„Во животот поминав низ сé. Пораснав како христијанин, секогаш сум го испрашувал поимот вера, а потоа заминав по својот пат и станав агностик. Пробав и некои духовни работи, но едноставно не се чувствував добро. Потоа решив да бидам атеист, сакав да бидам бунтовник, но ни тоа не бев јас. А потоа дојде се’ на свое место, и сфатив дека се враќам на ова да верувам, но го мразам зборот духовност. Едноставно верувам дека сите сме поврзани“, заклучува тој.
