Погледнете го луксузот во кој ќе ужива малиот Жељко – прекрасна новогодишна бајка и магична елка од која застанува здивот
Семејството Родиќ го дотера својот дом во Тител
Новогодишните празници полека но сигурно ни се ближат, иако речиси во целиот свет владее пандемијата и наместо да му се радуваме на највеселиот период во годината, сите сме во некое „чудно“, полупразнично издание.
Но додека се надеваме дека лудилото наскоро ќе заврши и ќе помине во заборав, не е лошо барем малку да бидеме опкружени со весела атмосфера со која барем на момент ќе заборавиме на сивилото.
И кога ако не сега, кога новогодишните елки во домовите се задолжителен дел од празничната магија, и во која можеме да уживаме барем со најмилите и најблиските, почитувајќи ги сите мерки што ни ги препорачуваат.
Многумина веќе почнаа да ги украсуваат своите домови, а познатите и да ги покажуваат истите на социјалните мрежи.
Па така благодарение на технологијата и новите социјални мрежи, веќе можеме да видиме како некои ѕвезди ги украсиле своите омилени дрвца, а денес во фокусот ни е семејниот дом на сопругата на Вељко Ражнатовиќ, Богдана, во Тител, кој веќе е декориран, а дел од прекрасната празнична атмосфера ни покажа балдазата на Вељко, Наташа.
Сестрата на Богдана на Инстаграм објави неколку фотографии од кои можеме да видиме дека елката е украсена со лампички и мечиња, па се претпоставува дека главниот гостин во нивниот дом ќе биде малиот Жељко.
Инаку Вељко и Богдана во Тител добија посебна куќа од семејството Родиќ, а синот на Цеца откако во време на карантинот живееше тука, прв пат почувствува дека животот и надвор од Белград може да биде убав, комфорен и опуштен за разлика од градската бучава и гужва.
Токму затоа на Вељко во Тител му е одлично, а за да им биде се под конец, Цеца во дворот им направила базен со грејачи во кој можат да се бањаат преку цела година.
