Повторно шок – на Дарко Лазиќ му откажал бубрегот. Мора итно на операција!
Не ја почитувал терапијата препишана од докторите
Пејачот Дарко Лазиќ наскоро ќе мора да направи уште две операции. Како што пренесуваат српските медиуми, на Дарко докторите ќе мора да му го отстранат едниот бубрег поради повредите со кои се здобил во стравичната сообраќана несреќа, по што престанал да функционира.
По несреќата еден од двата бубрези остана дисфункционален, но докторите не интервенирале надевајќи се дека нема да му пречи и дека нема да има компликации. Но бубрегот сега предизвикува проблеми во организмот на Дарко, така што мора итно да оди на операција, пишува белградскиот Скандал.
Операцијата ќе мора да ја направи што поскоро, но тој се однесува потполно неодговорно кон своето здравје. Не оди редовно на задолжителните терапии и контроли, а и неговото стапало се уште не е закрепнато иако докторите беа убедени дека ќе се регулира за ова време.
„Дарко воопшто не го чувствува стапалото и не може да застане на него. Да ги слушаше советите и инструкциите на докторите, и да одеше на терапија и физикални вежби, тоа досега сигурно ќе беше решено, но тој правеше сé спротивно на она што го советуваа докторите“, пишува Скандал.
