Повеќе нема надеж за 28-годишниот фудбалер Емилијано Сала – идентификувано телото пронајдено во авионот е негово

Аргентинскиот фудбалер Емилијано Сала трагично го загуби животот во авионската несреќа при летот за Кардиф, каде требаше да биде промовиран како ново засилување на англискиот премиерлигаш.

Нема надеж за Емилијанo Сала

За жал, телото кое е пронајдено во авионот две недели по неговото исчезнување беше идентификувано како телото на Емилиано, 28 годишниот аргентински фудбалер кој само неколку дена пред трагичното исчезнување потпиша за фудбалскиот клуб „Кардиф Сити“.

Неговото тело е идентификувано откако беше извлечено од остатоците на паднатиот авион на дното од морето, во текот на вчерашниот ден. Британските медиуми потврдија дека се познати деталите од аутопсијата и за тоа веќе е известено семејството на Сала.

https://www.instagram.com/p/BrF41sZIyyW/

Повеќе од една седмица траеше потрагата по исчезнатиот авион. Кобниот лет го стресе фудбалскиот свет, долго време немаше никаква трага од малиот приватен авион со кој Емилијано Сала и пилотот Иботсон требаше да пристигнат во Кардиф. За жал, тоа никогаш не се случи.

Breaking: @dorsetpolice confirm body recovered from plane in English Channel is @CardiffCityFC striker Emiliano Sala.

Dorset police: "The families of Mr Sala and Mr Ibbotson have been updated with this news and will be supported by specially-trained liaison officers."

— Sky Sports News (@SkySportsNews) February 7, 2019

Кардиф се заканува со тужба

Во изминатите неколку дена, многу фудбалери се простуваат од Сала, како и клубови од различни лиги. По оваа трагедија настанаа пробелми меѓу Нант, каде Сала играше до јануари, од кои Кардиф, бара надомест на штета од 17 милиони евра и се заканува со тужба.