Плачи ако ти се плаче, само не повлекувај се во себе – телото памти, па ќе ти врати со чир
Биди нежна кон себе. Во физичка смисла – разгалувај се. Со масла, не мора да бидат скапи масла.
Допирај се со дланките, запознај го секој милиметар од своето тело. Тоа нека биде твој ритуал. Од тебе за тебе. Од твоето срце за твоето срце. Со љубов…
Во онаа другата, невидлива смисла – не се критикувај премногу и постојано. Немој да си замеруваш себеси.
Биди добра кон себе, си заслужила.
Не биди злопамтило, затоа што тоа ти штети на тебе, а не на тој кому замеруваш. На него баш му е гајле.
Уживај во секој твој потег.
Одмарај, спиј доволно и квалитетно. Изгаси го телефонот. Биди сама. Запали мирисна свеќа или стапче.
Читај. Избери некоја добра книга и прочитај ја во еден здив. Ќе те релаксира и максимално ќе те опушти.
Слушај музика која ти годи. Тивко или гласно, како сакаш, како ти е мерак.
Танцувај, движи се.
Шетај, сама. Тогаш мислите се движат како во рој, доаѓаат идеи и сѐ и сешто може да ти падне на ум.
После прошетката измасирај си ги стопалата. Тие те носат, те трпат, потребна им е масажа.
Покажи си колку се цениш.
Биди благодарна што си овде, што си здрава.
Молчи. Уживај во тишината, ако сакаш да седиш во тишина.
Внимавај на себе. Ќе си требаш.
