Отворено писмо на пејачката Ана Севиќ – ова е вистината за моето доаѓање во блницата кај Дарко!
Пејачката Ана Севиќ од првиот момент е покрај својот поранешен сопруг Дарко Лазиќ откако тој доживеа сообраќајна несреќа, а поради тоа веќе неколку пати е ставена на столбот на срамот. Прво сите беа изненадени што веднаш се појавила во болницата, а потоа ја напаѓаа дека го оставила поранешниот сопруг да се бори за живот додека таа патува и се забавува.
Но за да им застане на патот на шпекулациите, Ана одлучи да напише отворено писмо преку кое се обрати до јавноста. Покрај тоа објави и своја фотографија на која јасно се гледа колку е загрижена, иако се обидува да изгледа совршено, на нејзиното лице се познава внатрешниот немир.
„Фотографијата е направена пред неколку дена.. Можеби вам ви се чини како „нормална“ но секој што ме познава јасно гледа и знае колку напор требаше за да се обидам да го сокријам заморот и тагата зад неа, неспиењето, солзите и стресот поради сето што се случи. И покрај се тоа не ми појде од рака… Ова е една присилена поза, обид за насмевка која и покрај сиот труд не излезе од мене. Не постои тага што можете да ја сокриете со филтер бидејќи животот не е Инстаграм. Работам да ја вратам насмевката која на моето лице се гледаше до пред некој ден, работат на тоа и сите што ме сакаат и кои јас ги сакам, кои сакаат да бидат среќна и исполнета каква реално сум и сум затоа што ги имам сите причини за тоа. Се што беше во моја моќ јас го направив. Најпрво беше „што таа бара во болницата“, а потоа „гледај ја, не доаѓа во болницата, патува“ … Одамна сфатив дека на светот не можете да му угодите на секој и важно е она што го знаеме Бог и јас.. како и моето семејство“ напиша Ана и продолжи:
https://www.instagram.com/p/BpxxasFhK0E/?utm_source=ig_embed
„Знаете што? Во болница барав сила која сакав да му ја пренесам на мојот поранешен сопруг во неговата најлоша борба, барав енергија во себе за да му ја дадам и на него, бидејќи му е потребна на таткото на моето дете. Знам дека му значеше и дека му помогна да ги преброди најтешките моменти. Дали одам или не. Како што кажав пред некој ден на „Инстаграм стори“, тоа е моја приватна работа, а само еднаш успеа да ме фотографираат бидејќи тоа беше не само борба на Дарко туку и моја. Секој од нас пред една година тргна по свој пат и си води свој живот. Секој си направи свој избор. Јас одбрав да бидам среќна и сакана бидејќи имам право на тоа. Среќата е избор. Секој заслужува да биде среќен. Моето дете заслужува да биде среќно, а не може да биде ако јас не му покажам како изгледа тоа. Јас немам право да бидам несреќна бидејќи имам дете кое зависи од мене дали ќе биде среќно или не, а јас ќе направам се секогаш да биде среќна и насмеана. Ве сакам и ви се заблагодарувам на сите убави работи,…од зборови до енергија“ напиша Ана на Инстагам.