Ова се резултатите од најновото истражување: Децата имаат 44 отсто помали шанси да се заразат од коронавирус
Ново истражување покажа дека децата имаат 44 отсто помалку шански да се заразат од корона вирус отколку возрасните. Ова го покажа истражувањето спроведено од тим научници спроведено на чело со претседателот на британскиот Кралски колеџ за педијатрија и здравје кај деца.
Тимот научници изврши преглед и анализа на 32 студии и откри дека децата како и адолесцентите помлади од 20 години имаат за 44 отсто помали шанси да развијат секундарна инфекција од САРС-КоВ-2, отколку постарите лица од 20 години, пренесува Ројтерс.
Во истражувањето се наведува дека постои прелиминарна евиденција, дека децата помлади од 10 до 14 години имаат мали шанси да се заразат од САРС-КоВ-2 отколку возрасните, како и дека адолесцентите изгледа приближно поеднадкво подложни на тоа како и возрасните.
Деновиве се повеќе се зборува дека децата во градинките ќе треба да носат маски, што предизвика голема полемика.
Еве што мислат германските стручњаци. Носењето маска за лице е препорачано или задолжително во многу земји за борба против коронавирусот, но лекарите предупредуваат дека треба да се претпазливи кога станува збор за деца.
Две работи се потребни за да се обезбедат маски за заштита на оние околу нас и да не се изложува лицето што ги носи. Прво, маската мора целосно да го покрие лицето од носот до брадата и треба да се прицврсти на кожата.Второ, еднаш да се стави на лицето веќе не треба да го допираме.
„Помладите деца веројатно нема да ја допрат маската само доколку постојано ги предупредуваат нивните родители – колку е помладо детето, толку почесто ќе ја допрат маската“. Затоа, германското здружение за педијатри утврди кои деца можат да носат маски: Според нив, тие се над 2 години.
Носењето се препорачува само во затворени простории, додека тие не се задолжителни на отворено, тврдат германските лекари.
