Ова е Елена (9) која мајка и ја претепала до смрт: Ја тепала со денови додека не и застанало срцето

Роднините дури сега, кога мајката е зад решетки, решија да зборуваат за пеколот што децата го трпеле долго време

Девојката Елена (9) од Галац, Романија била мачена од нејзината мајка речиси една недела додека не и застанало срцето, а судските вештаци врз основа на вештачењето рекле дека жената ја тепала, давела и ја горела по телото.

Социјалните служби, роднините и соседите можеа да ја спасат, но сите молчеа за тоа.

Социјалната служба слушнала за случајот уште во март 2023 година, но потоа провериле и заклучиле дека насилството врз девојчињата е „поединечен настан“ кој не се повторил и го затвориле случајот.

Сепак, жената продолжила со насилството и се случило најлошото, едно девојче починало.

Роднините дури сега, кога мајката е зад решетки, решиле да зборуваат за пеколот што децата го доживеале подолг период.

Колку беше злобна, ја видов како тепа голо девојче на тераса“, вели еден роднина.

Истрагата на обвинителството го откри фактот дека девојчето било изложено на ужаси каде нејзината мајка ја малтретирала пет последователни дена додека телото не и откажало.

Елена беше најмачената од трите девојки, иако сите што ја познаваа велеа дека е љубезна и убава како ангел, таа криеше страшна вистина.

Две недели пред нејзината мајка да ја убие, Елена на училиште читала за среќата, која очигледно никогаш не ја вкусила.

Беше полна со љубов, многу добро учеше, дете модел“, вели учителката Антонета Фуртуна, додавајќи дека Елена сакала да чита и да црта.

Наставничката на нејзината средна сестра направила пријава минатата година откако видела траги на насилство на нејзиното тело.

„Девојчето дојде во градинка многу, многу уморно, беше депресивно, утрото заспа со главата на масата, куцаше. Ја погалив, но во таа прилика почувствував различни испакнатини на нејзиното тело“, изјави наставничката Николета Драгичи.

Ваквата состојба ја истражуваше Центарот за заштита на деца, по што следеа неколку проценки од Градското собрание на Галац, па дури по два месеци дојде социјалната служба. По две недели повторно ги оценувале и потоа случајот бил затворен.

„Секогаш кога одевме да провериме, ситуацијата беше секогаш децата да се згрижени, опуштени, одлично комуницираат. Државните институции, за жал, веќе не можат да интервенираат“, рече портпаролот на Градското собрание Галати.

„Тогаш мајката ни објасни дека се работи за изолиран, уникатен случај. Вујкото инсистираше, а и тетката исто така, да не се изрекува заштитна мерка“, објасни Тања од Градското собрание на Галац.

Форензичарите на телото на девојчето констатирале стари рани и изгореници, но наставничката и медицинската сестра не забележале ништо.

“Не беше повлечена, добро се дружеше. Затоа сме загрижени. Таа не даде никаков знак дека има проблем”, истакна наставничката.

„Ја подигнав кошулата, го погледнав телото, немаше траги на насилство. Беше чиста, исчешлана“, вели Јоника Добре, медицинска сестра.

Сестрите на девојчето моментално се наоѓаат во државните институции и велат дека психолошките последици за децата се огромни и дека ќе им треба време да заздрават.

„Сега нивната единствена шанса е да најдат семејство кое ќе ги опкружува со љубов, разбирање и ќе им помогне да сфатат дека е можно да се живее поинаку“, рече Каталин Димофте, психолог.

Мајката е уапсена и одреден и е притвор од 30 дена. Таа моментално е под истрага, и се соочува со доживотен затвор.