Ова дете е нашиот херој на денот – му го спаси животот на друго дете на фудбалски натпревар
Детето по име Кристијан Фернандез е нашиот херој на денот.
Имено, малиот Кристијан му го спаси животот на едно друго момче на детски фудбалски натпревар во Шпанија.
Играа јуниорксите екипи на Медина и Сан Фернандо, а по судирот со противничките играчи, едно момче падна и колабираше. Следуваше општа паника на теренот, скоро сите се разбегаа, а само храбриот Кристијан беше присебен и помогна. Тој го намести несреќното момче да лежи бочно и му го извади јазикот од устата за да го спречи гушењето.
„Играчите беа исплашени кога го видоа играчот на Медина во таква состојба и побегнаа, но Кристијан беше храбар, реагираше на време и го спаси неговиот живот”, изјави Лео Корнејо, тренерот на Сан Фернандо.
По брзата реакција на малиот Кристијан, на теренот веднаш дотрчаа и тренерот и таткото на спасеното момче кој е доктор, а по десет минути пристигна и итната помош.
