Оваа 19 годишна девојка беше избркана од трговски центар поради својата „непристојна“ облека
19-годишната Габриел Гибсон од Алабама тврди дека била избркана од еден шопинг центар поради прекратките шорцеви.
Тинејџерката споделила фотографии на својот профил на Фејсбук на кои е облечена во спорната комбинација поради која имала проблеми во трговскиот центар. „Денес бев буквално омаловажена и избркана од центарот ’Bellair’ во Алабама поради она што го носев. Очигледно, возрасните мажи не можеле да се соземат па затоа бев избркана”, напиша Гибсон покрај нејзините фотографии кои веднаш станаа вирални на социјалните мрежи.
Трговскиот центар набрзо реагираше со соопштение во кое објаснуваат дека се фокусирани на „одржување на семејна атмосфера” и дека секој кој носи облека која ги прекршува нивните правила “ќе биде замолен да го напушти објектот. Но 19-годишната девојка вели дека едно од лицата што го обезбедувале шопинг центарот ѝ кажал дека проблемот бил во тоа што зјапал во нејзиниот задник, па му порачува да не гледа во него и додава дека биле непристојни и потполно непрофесионални се однесувале кон неа.
Откако нејзината објава стана вирална, група жени организирале “SlutWalk” во знак на протест против ваквата политика на трговскиот центар, а во склоп на акцијата ги повикале жените да се појават разголени.
