ОБИЛНИ ДОЖДОВИ, НО И ПРВИОТ СНЕГ – Обеле Хрватска еве кога се очекува да падне и во Македонија!
Во Македонија, како што наведува Управата за Хидрометеролошки работи, дождот полека ќе преминува во снег на планините повисоки од 2.000 метри.
Околу Госпиќ утринава падна снег, а на Платка веќе падна поголемо количество снег, јавува порталот Index.hr.
ХАК издаде предупредување поради врнежи од снег на места во Горски Котар, како и можна појава на одрони на патиштата во планинските подрачја и долж Јадранската магистрала.
Во Македонија ќе биде променливо облачно со повремени врнежи од дожд, особено претпладне. Локално врнежите ќе бидат поројни и проследени со грмежи. На планините на северозапад над околу 2000 мнв врнежите ќе преминуваат во снег. Ќе дува засилен ветер од југозападен правец (наместа со брзина над 70 км/час).
Во Скопје претпладне облачно со врнежи од дожд, а попладне променливо облачно. Ќе дува умерен до засилен ветер од јужен правец.
Под влијание на нов влажен бран од запад, во следните часови од запад ќе започнат нови врнежи од дожд и истите ќе се прошират речиси насекаде. Локално врнежите ќе бидат обилни (над 25 л/м2).
Повремено врнежите од дожд ќе преминуваат во врнежи од снег само на планините со надморска височина од над 2000 метри.
И во Скопје и околината се очекуваат нови врнежи од дожд.
Потоа од понеделник попладне и во вторник ќе има краткотрајна стабилизација на времето, а нов влажен бран од северозапад Македонија ќе ја зафати во среда попладне и тој ќе донесе нови врнежи од дожд и засилен ветер од северен правец.
Повторно на високите планини се очекуваат врнежи од снег, а температурата ќе бележи тенденција на опаѓање, и тоа поради продор на постуден воздушен бран од север.
Нумеричките модели и понатаму цртаа големо заладување на времето ширум регионот и кај нас за време на следниот викенд, кога освен на планините и на повисоките места, снег ќе има понекаде и во градовите во регионот.
На планините тогаш ќе се формира првата позначителна снежна покривка, што е најава за значително поснежна зима со повремени продори на поларни воздушни маси од Арктикот. Како што наведовме во сезонската прогноза за претстојната зима 2023/2024, очекуваме и се посилни и побројни временски непогоди.
Температурите во следните неколку денови остануваат без поголеми промени, и максималните дневни температури на воздухот ќе се искачуваат во интервалот од 10 до 18 степени.
Наутро пак ќе биде релативно студено со минимални температури кој ќе се спуштаат во интервалот од 2 до 10 степени, пишува Славчо Попоски
