Нова љубов меѓу учесниците во „Гранд ѕвезди“ – пејачот до уши вљубен во убавата Македонка

По завршувањето на натпреварот Гранд ѕвезди учесниците продолжија да се дружат и станаа многу добри пријатели, а помеѓу Александар Гутеа Маринковиќ и симпатичната скопјанка, Елена Миленковска, се роди љубов.

Шармантниот пејач со една фотографија на Инстаграм откри какви емоции има кон убавицата од Македонија.

Гуте и Елена се зближија оваа сезона бидејќи беа кај иста менторка – Ана Бекута, така што се гледаа на часовите по пеење. По финалето тие отпатуваа неколку дена во Македонија каде го посетија Скопје и Охридското Езеро. Фотографиите на Невена Стојановиќ откриваат колку Гуте и Елена се блиски и сега е веќе очигледно дека нивната љубов цвета.

Скопјанката Елена сега многу повеќе време ќе поминува во Белград заедно со своето момче, но и поради својата кариера.

Талентираната пејачка се обиде да сокрие од јавноста дека е заљубена и објавуваше само соло фотографии на својот профил на социјалните мрежи. Но Гуте не можеше да се воздржи па откри каква убавица има покрај себе.