Новата девојка на Леонардо Дикаприо и без шминка е вистинска убавица

Леонардо Дикаприо и неговата 23 години помлада девојка

Познато е дека атрактивниот холивудски актер има слабост кон манекенките, а на неговиот список од неодамна се најде уште една. Моделот и актерката во подем, Камила Мороне (20) успеа да го освои срцето на 43 годишниот актер уште при крајот на минатата година, но и да предизвика љубомора кај неговите обожавателки од целиот свет.

Камила е вистинска убавица, па и кога нема ни грам шминка на нејзиното лице што можевме да го видиме и кога пред неколку дена се прошета со своето момче. 20-годишната девојка ги остави сите без здив во панталоните со војнички дезен и бела маица која и беше врзана околу половината, но и покрај стегнатиот стомак сите зборуваа за нејзиното лице кое и без шминка изгледа беспрекорно.

Првите информации за нивната врска се појавија кога Леонардо во декември минатата година беше забележан како излегува од нејзиниот дом, а потоа беа фатени како заедно уживаат на одмор во Колорадо. Тие заедно беа на прославата на роденденот на Елен Деџенерес, а не го пропуштија на познатиот музички фестивал Коачла каде фоторепортерите ги фатија додека се бакнуваат.