Не можеше да издржи, па пушти солзи пред колегите – Лепа Брена ги шокираше фановите, па објасни што и се случува!
Една од најголемите sвезди од поранешна Југославија, Лепа Брена (59), ги израдува своите фанови кога започна да дава концерти преку Инстаграм.
Во интервју за Блиц, таа објасни дека нејзиниот бенд сакал да ги израдува сите што се во карантин, но поради емотивните делови на песната и се насолзиле очите, па таа неколку пати беше принудена да престане со снимањето.
Коронавирусот безмилосно ги уништува човечките животи
„Песната за мене претставува еден вид психотерапија, лек за мојата душа и ова е нешто што мислам дека на сите ни треба во овие моменти. Ни треба здрав разум, добра концентрација, да разговараме со пријателите, стручни совети и една голема поддршка за да издржиме во животната изолација која важи за целиот свет. Короната навистина се развива со голема прогресија, уништувајќи ги животите на луѓето, со што се уништува економијата, луѓето и нивниот опстанок. Затоа, сите треба да бидеме прибрани, да си помагаме едни на други и секој да го даде својот мал придонес како знае и како може. Затоа, и дојдовме до идеја да снимаме песни од нашите концерти, една по една и ќе ги снимавме се додека не заврши изолацијата – изјави сопругата на поранешниот тениски ас, 56-годишниот Бобан Живојиновиќ.
Сите треба да бидеме прибрани, да си помагаме едни на други и секој да го даде својот мал придонес како знае и како може, вели Брена.
Таа рече дека публиката многу ја пофали нивната иницијатива, но и дека воопшто не и било лесно да снима некои од песните.
„Морам да ви кажам дека кога снимам, честопати се случува да фатам неколку моменти и зборови во песните, што во оваа ситуација ми се болни и тешко ми звучат.
Таа потоа додаде дека додека ги снимала некои од нејзините песни имало моменти во кои се расплакала и морала да почека малку за да се смири, да ја поправи шминката, да сокрие дека нејзините очи се црвени…
https://www.instagram.com/p/B-mA13ZFQ7P/
„Некои од песните не ги снимив одеднаш, затоа што во некои моменти не можев да ги сопрам моите солзи и некое време морав да почекам да се средам, да ја поправам мојата шминка, така што моите црвени очи да не бидат видливи – призна пејачката, која исто така е успешна претприемач и сопственик на винарија во Канада.
На крајот, Брена зборуваше за учење нова вештина за време на изолацијата и како го минува времето со семејството.
Конечно ми се врати нормалниот сон
„Јас пеам уште од мои 16 години. Почнав да настапувам професионално кога имав 21 година. Никогаш не сум имал толку многу време да бидам посветена на семејството и на себеси. Јас целиот живот го поминав во трка со времето. Го поминав во автобуси, автомобили, хотели, авиони. Секако, има тука и концертни сали, стадиони, клубови …. Ова сега е одмор за моето тело и психа. Успеав да се посветам на себеси и за прв пат во животот учам да чекорам полека, што отсекогаш претставувало проблем за мене, но и малку да го забавам мозокот “, вели музичката ѕвезда.
„Го средувам мојот животен простор, нашата куќа. Само со моите деца сум сега, имам време да разговарам со нив за многу работи и не зборуваме како родител и деца, туку како пријатели. Можам да се посветам на вежбање јога и медитација, читање книги … И, конечно, се врати мојот нормален сон. Ние кои ја работиме оваа работа ги менуваме временските зони, патуваме и мора да бидеме фит цело време. На некој начин многу е убаво и чувството дека планетата ќе биде прочистена“ – заклучи Брена.
