Нема ни три месеци откако се породи, а повторно е бремена? Војвотката и војводата од Кембриџ чекаат четврто дете?
Според британските медиуми војвотката и војводата од Кембриџ сакаат да имаат два сина и две ќерки.
Не поминаа ни три месеци откако војвотката од Кембриџ Кејт Мидлтон на свет донесе третото дете, принцот Луис, а магазинот „Life&Style“ веќе објави дека сопругата на принцот Вилијам носи и четврто дете!
Наводната бременост за магазинот ја потврдија неименувани извори кои се блиски до кралскиот пар, а во прилог на оваа вест одат и озборувањата дека Кејт и Вилијам сакаат да имаат две женски и две машки деца. „На Кејт и е многу важно нејзините деца да бидат меѓусебно поврзани, а најдобар начин за тоа е меѓу нив да има што помала старосна разлика“, вели неименуваниот извор за магазинот.
Магазинот наведува и дека знаците дека Кејт повторно е бремена се сосем очигледни. „Таа повторно носи покомотна облека, избегнува алкохол и постојано и се јаде кари, како и во претходните три бременост. Јаде и бисквити со лаванда, која и порано и помагаше при утринските мачнини“ вели изворот. Од друга страна Кенсингтонската палата се уште се нема огласено за ова, а вестите како оваа официјално се објавуваат на Твитер така што не ни останува ништо друго освен да чекаме и да видиме дали британското кралско семејство следната година ќе стане побогато за уште еден член.
