Ова се едни од најпопуларните патики за оваа сезона. Во прашање е унисекс модел, со едноставен минималистички крој, кој радо го носат и мажи и жени. Најчесто доаѓа во бела боја со дискретен детаљ на задниот дел во впечатлива нијанса, но достапни се и во црна варијанта со бел ѓон.
Белите патики се популарни веќе неколку сезони, а според најпознатите модни магазини моделот од модната куќа Александар Меквин важи за еден од најбараните меѓу познатите трендсетерки. Во прашање се патики какви досега „фураа“ девојките како Џенифер Лопез, Гвинет Палтроу и Кејти Холмс, а ист таков модел, со златен детаљ на задниот дел има и нашата позната водителка Лила Филиповска.
Овие патики прв пат се појавија во 2016 година, но поради огромната побарувачка нивната цена се уште не е спуштена и можат да се најдат од 400 до 1000 долари.
Моделот што го носи Лила изнесува 360 фунти и истиот можете да го порачате од „thebusinessfashion.co.uk“
