Таа токму поради својот стил и социјалните мрежи беше позната и пред да заплови во музичките води.
Ќерката на Цеца, Анастасија Ражнатовиќ, покрај својот музички талент кој очигледно го има наследено од својата мајка, позната е и по своите модни комбинации кои се инспирација на многу млади девојки во регионот. Таа само на социјалната мрежа Инстаграм има преку 900 илјади следбеници што е бројка за почит, а на своите фотографии изгледа елегантно и гламурозно.
Токму и затоа многумина беа изненадени кога неодамна призна дека купува и во кинеските продавници. Таа притоа не заборави да истакне дека тоа го прави како и сите други и дека многу често носи облека каква можат да си дозволат и „обичните смртнички“ и дека не гледа ништо невообичаено во тоа. Таа за магазинот „Ало“ неодамна истакна дека во нејзиниот плакар не се наоѓаат само скапа и брендирана облека, а со ова секако ги воодушеви нејзините обожавателки кои не се така малку во регионот.
„Навистина не се грижам премногу дали ќе носам нешто што е брендирано, сакам само да изгледа добро и да ми стои убаво. Не мора секогаш да се носи скапа облека, а најмалку е важно колку тоа чини. Постојат луѓе кои сакаат да носат брендирани парчиња, па купуваат фејк брендови, но добро, секој нека прави онака како што смета дека треба, вели Анастасија.
