Неколку преубави места во Грција што се поевтини од Халкидики, а кои МАКЕДОНСКИТЕ туристи се уште не ги откриле (фото)

Речиси и да нема човек во Македонија кој не пошол на одмор во Грција која е синоним за летување не само за нас туку и за нашите соседи.

Совршената мешавина на влијанието на Балканот и Медитеранот јa прават оваа земја соврѓшено место за одмор, а денес ќе се потрудиме да ви откриеме неколку егзотични краеви и убави места за истражување.

За едно поинакво искуство досега, за оние кои веќе ја посетиле Грција.

Прекрасните места како Миконос и Санторини се чест изгор на туристите, но сепак местата кои се подзаскриени и не толку рекламирани кријат вистинска убавина.

Еден од предлозите е да го посетите Пелопонез, а за да ги почуствувате вистинските убавини на ова место е да одите со сопствен автомобил или да изнајмите.

Ако сте љубители на диви плажи, историски локалитети, тивко и мирно место Пелопонез е место за вас.

Овој полуостров е навистина огромен и секој негов дел е посебна приказна, и навистина е невозможно да се посети сѐ за десет дена, па затоа не треба ни да се обидувате. Туристичкиот фокус, сепак, е ставен на областа околу Атина, а станува збор за градовите Нафлио и Лутраки и градовите што ги опкружуваат. Можете да планирате посета на прекрасната Атина, што е навистина реткост – да комбинирате летен годишен одмор со обиколка на метропола .

Дајте му предност на Нафплио пред Лутраки, иако е многу веројатно дека агенцијата ќе ви понуди друга опција.

Нафплио е гратче како од соништата во кој е испреплетено влијанието на Венецијанците, Турците и, се разбира, Грците, така што поголемиот дел од времето ќе имате впечаток дека сте влегле во временска машина, и тесните улички, три тврдини, мали, привлечени ресторани и кафулиња, шарени мермери освојуваат на прв поглед.

Лутраки, од друга страна, е урбано и модерно место за средби, што на прв поглед не е толку привлечно како Нефплио, но можеби е попрактично и подобро позиционирано – повеќето плажи кои вреди да се посетат се наоѓаат во близина на него.

Ако се решите да летувате на Лутраки еве предлог за неколку во близина.

Плажа Каратона

Плажата Каратона е урбана, голема, со добра вода и многу барови, и ако сте вредни и се искачите на блиските ридови, ќе најдете совршено тивко, фотогенично место со целосно бела црква и спектакуларен поглед.

Езерото Вулиагмени

* Езерото Вулиагмени – тоа е езеро со морска вода. Ова е пријатна, тесна, мала плажа со тиркизна чиста вода, сместена помеѓу огромни ридови и среде огромна бујна вегетација.

Страва плажа

Прекрасна плажа – Дива, тивка и со камења, и како што е случај со повеќето плажи тука – за спектакуларни сцени треба да го посетите сето тоа, да се искачите и да го истражите.

Плажа со остатоци од храмот посветен на божицата Хери

Плажа на остатоците од храмот посветен на божицата Хари – се сончате и се бањате, а зад вас остатоци од антички храм … Ова навистина постои и е потполно бесплатно! Автентично и убаво искуство, но без сенка и многу мала.

Врачати плажа

Ова е омилена плажа на Атињаните, па затоа изгледа – опуштено, модерно, со фенси кафулиња и барови, а водата е многу убава и тиркизно сина.

Коринтскиот канал е неизбежна станица на Пелопонез

Нешто што мора да го видите и целосно е бесплатно, е Коринтскиот канал, а во непосредна близина е античкиот Коринт: тогаш тука е познатиот антички град Епидаур, но и импозантниот храм на Микените, Херинот и Зевс во Олимпија, средновековниот градот Мистра, античката Спарта …

Накратко – ако сте авантурист, го сакате пејзажот проткаен со долга и бурна историја, но исто така го сакате меракот и уживањето во дивите плажи скриени од народот и помпа – правецот кон Пелопонез!

„Санторини за сиромашни“

Постои еден остров кој многу наликува на Санторини и кој се наоѓа во истата егзотична островска група Киклади, со златни плажи, долни богати со маслинки и лозја, бели куќички, поплочени улички со камен, тераси од кои ви се смешкаат саксии со цвеќиња. Во прашање е островот Парос.

Парос е омиленото летувалиште на Грците. Познат е уште и како „Санторини за сиромашни“ бидејќи има далеку попристојни цени, а нуди речиси идентично опкружување и морска идила каква ретко на друго место може да се сретне. Главен град е шармантната Парикија кој нуди богата угостителска понуда и одличен ноќен живот, а во неговата непосредна близина се бројни магични плажи за кои некои веат дека се едни од најубавите во цела Грција.

Не треба да се грижите и доколку Парос е мало место за вашите апетити – се наоѓа во центарот на Кикладите опкружен со бројни острови кои се лесно достапни – па можете да видите барем на кратко, Антипарос, Самос, Миконос….