Брачна двојка покренала постапка за развод на брак по само три минути откако го кажале судбоносното ,,Да” .
Причината за разводот е оправдана. Веднаш откако невестата се согласила и бракот бил прогласен, таа се сплеткала од венчаницата и паднала, а младоженецот пред сите гости и рекол дека е глупава и ја навредувал. Тоа било доволно невестата да побара развод.
Инцидентот предизвика бројни реакции на Твитер: „Ако вака се однесува на почетокот на бракот, подобро е да го оставиш”, „брак без почит е неуспешен уште од самиот почеток”, пишува во некои од коментарите.
Со тоа , ова е најкус брак во историјата на Кувајт, каде што се случила венчавката. Инаку, Кувајт е на прво место по разводи во регионот.
Така, 60% од склучените бракови завршуваат со развод, а меѓу причините е и склучувањето бракови од интерес.
