Никому не му е лесно да се прифати дека ќе изгуби дел од телото, а една жена одлучи да ја зачува ампутираната нога на навистина бизарен начин.
Имено, 55 годишната Џоан од Манчестер кога сфатила дека нејзината ампутирана нога ќе заврши во медицински отпад, била шокирана па одлучила од неа да направи чанта. Таа побарала помош на веб-страницата sewport.com каде што луѓето бараат експерти кои ќе ги изработат нивните уникатни предмети што сами ги дизајнирале.
„Најверојатно мојата нога наскоро ќе биде ампутирана и неодамна прочитав дека овие делови од телотот ги фрлаат во медицински отпад и таму скапуват.Јас не сакам ова на мене да ми се случи. Па така размислувајќи сфатив дека најскапите предмети се изработени од кожа на животни па така и јас решив од мојата кожа да направам нешто убаво и уникатно “, пишува Џоан од Манчестер.
Таа вели дека е спремна да даде 3.000 фунти за цртежот на кој се гледа дизајнот на чантата.
„Мислам дека чантата е најлогичен избор. Мојата кожа е во прашање, па зошто да не? Сфаќам дека ова е малку чудно и одвратно, и дека некои ќе мислат дека сум луда, но тоа е мојата нога и не можам да ја прифатам идејта дека таа ќе заврши во ѓубре.Таа е дел од мене и сакам да ја задржам “, заклучи таа во своето барање за оваа бизарна идеја.
