Нашиот Тоше да беше жив ќе беше еден од најбогатите пејачи на Балканот – протекоа информации, еве кој има 100 милиони долари
Тоше Проески важеше за балканскиот Елвис Присли и да беше жив сега најверојатно ќе беше еден од најбогатите музичари во регионот. Но за жал, пејачот прерано не напушти, а неговите песни се уште се едно од најслушаните…
Познатиот портал „Celebrity net worth” истражува колку изнесува богатството на познатите од целиот свет, а на нивната листа може да се најдат податоци и за неколку познати личности како од Македонија, така и од регионот. Па така овој портал пишува дека богатството на еден од најлегендарните македонски пејачи на сите времиња, Тоше Проески, се проценува на околу 10 милиони долари. Тоше за жал не напушти прерано, а неговите песни се уште важат за големи хитови во целиот регион и воопшто не се сомневаме дека доколку не се случеше стpaшната нecpeќа, сега Проески ќе беше еден од најбогатите пејачи.
На листата на овој портал има и податоци за тоа колку наводно тежи и македонската фудбалска легенда Горан Пандев (околу 5 милиони долари), како и за албанската пејачка со македонски корени, Бебе Реџа, чие нето богатство „CNW“ го проценува на некаде околу пет милиони долари.
Инаку, на оваа листа меѓу најбогатите пејачки од овие простори се фолкерките Драгана Мирковиќ и Светлана Цеца Ражнатовиќ кои тежат 100, односно 80 милиони долари.
Драгана Мирковиќ
Драгана Мирковиќ е една од најуспешните јавни личности на Балканот и нејзиното богатство се проценува на околу 100 милиони долари. Таа во својата повеќедецениска кариера има издадено 20 студиски албуми. Таа и нејзиниот сопруг Тони се сопственици и на телевизиската куќа „ДМ сат“.
Светлана Цеца Ражнатовиќ
Втора на оваа листа е Светлана Цеца Ражнатовиќ која тежи 80 милиони долари.
Брена
Позната личност на која богатството и се мери во милиони е и Лепа Брена која тежи повеќе од 16 милиони долари.
Таа е најпродаваната женска пејачка од земјите од поранешна Југославија и има продадено повеќе од 40 милиони плочи. Иако нејзиното вистинско име е Фахрета Живојиновиќ, таа е попозната под уметничкото име Лепа Брена, а од 1982 до 2013 има издаден вкупно 17 албуми.
Горан Бреговиќ
Познатиот музичар и текстописец Горан Бреговиќ исто така може да се пофали со богатство кое се мери во милиони. Проценето е дека тој тежи околу 20 милиони долари што ги заработил од својата музика.
Најпознат е по тоа што беше главен гитарист и фронтмен на бендот „Бело дугме“, но и по соработката со Емир Кустурица во неговите генијални филмови.
Здравко Чолиќ
Пејачот Здравко Чолиќ кој има богатство од околу 20 милиони долари се смета за еден од најголемите ѕвезди во регионот. Тој се уште е еден од најпопуларните пејачи во сите земји од поранешна Југославија, а има објавено 15 студиски албуми, кои се продавани во неверојатни тиражи.
Тиражите од неговите албуми достигнуваа и по 700.000 примероци и важи за првиот пејач на кој му е доделена дијамантска плоча од „Југотон“.
Новак Ѓоковиќ
Најуспешниот тенисер од овие простори, па и на светско ниво, има богатство од 220 милиони долари. Во неговата кариера има бројни импресивни победи и важи за еден од најбогатите тенисери на сите времиња.
Во 2016 стана првиот играч кој ги држеше сите три главни титули на три различни подлоги.
Тој има остварено и бројни други вакви подвизи, а познат е по ривалството до Рафаел Надал.
Ноле и Рафа ги имаат одиграно некои од најинтересните натпревари во историјата на овој спорт.
