И не е дека само жените политичарки се „на тапет“ кога се работи за тоа како се облечени на нивните јавни појавувања и мажите не остануваат незабележани. Можеби некој ќе си рече: „Е, добро де, мажите костим, кошула и кравта и бинго!“. Ама не е тоа така, голем удел има каков костим, каква кравата, каква кошула… и што е најважно каде што се носи.
„Модната детективска екипа“ на Гламур, секако се шегуваме, немаме таква, но забележавме и сакаме да споделиме мислење со вас. Сметаме дека нашиот министер за внатрешни работи Панче Тошковски е политичар кој има стил!
Не секој политичар знае да се дотера според соодветната пригода, многумина од нив бараат модни совети од стилисти и тоа не е срамота, така и треба да биде.
Во случајов, не знаеме дали господинот Тошковски платил моден експерт, дали неговата сопруга меша прсти околу неговиот изглед или пак едноставно тој самиот има стил и знае да одбере компатибилна облека.
Издвоивме неколку моменти кои ни оставија впечаток.
Тошковски присуствуваше на отворање на нова канцеларија на управните служби на МВР во Сраај. И погледнете, за оваа пригода тој се облече во темни фармерки, тегет блејзер со тегет обувки, а целокупниот аутфит го свежи со бела кошула. Настанот не е официјален, па минситерот вешто избегнал да стави вратоврска.
На настанот по повод алпинистичка вежба на Единицата за брзо распоредување и Баталјонот за специјални задачи „Волци“ министерот одбра ќежуал комбинација која се вклопуваше со целокупната слика.
При пречек на делегации од странство министерот Тошковски секогаш е права даса. Погледнете неколку од неговите појавувања, никогаш не е во истите бои, а секогаш вешто искомбинирани тонови.
Можеме да заклучиме дека и сопругата на Тошковски е права дама со стил, па не е случајна претпоставката дека модните совети пристигнуваат можеби од неа.
Тошковски меѓу спортистите се адаптира во спорстка облека. Неодмана присуствуваше на ревијален натпревар во фудбал помеѓу екипи составени од припадници на САЕ Тигар и ЕСН Волци, кој се одржа на новиот спортско-рекреативен центар во Општина Бутел кој го носи името “Бранители” во чест на сите бранители кои го дале својот живот бранејќи го територијалниот интегритет на Македонија. И на оваа средба се облече спортски.
Погледнете уште неколку фотографии од Тошковски во различни ситуации. На приемот на филмкиот фетсивал „Браќа Манаки“ Тошковски со сопругата блеснаа на црвениот килим издвојувајќи се од толпата со елегганција.
