Наскоро првата „Стрејт парада“ во САД

Американците во август ќе ја добијат првата Стрејт парада, парада на хетеросексуалци откако група активисти од Бостон успешно се избори за одржување на овој настан.

Организаторот на настанот Марк Сахади на Фејсбук најави дека по поднесувањето жалби поради дискриминација, градот Бостон „сфатил дека ќе загуби парница“ и дал дозвола за одржување на парадата.

Организаторите на „Стрејт парадата“ дизајнираа свое знаме и го означија Бред Пит за своја маскота. Масачусетс, каде е Бостон, е прва држава што легализираше бракови од ист пол во 2004 година и таму е склучен првиот истополов брак во САД.

Парадата е планирана за 31 август оваа година. На тој настан ќе се слави хетеросексуалноста, љубовта кон спротивниот пол.