Момче и девојка седеа до мене на плажа во Охрид и цело време се гушкаа. Но кога станаа и си заминаа ми се згади од нивната некултура
Парот на прв поглед изгледаше ептен фино.
Фото: Илустрација
Седнаа блиску до мене на една позната плажа во Охрид. Јас бев сама со моите две мали деца, мојот сопруг имаше некое обврски, па остана во апартманот. Тие одвреме-навреме ќе се поиграа со мојата помала ќерка, а во еден момент, откако си заминаа, се свртев и сфатив колку погрешно сум ги проценила и сум била наивна цело време.
Имено, и момчето и девојката на прв поглед ми изгледаа симпатично. Беа тетовирани, носеа кул облека, одвреме-навреме се бакнуваа, се гушкаа… Во еден момент дури ме замилија и да го фотографирам со мобилниот, што јас радо го направив. Ги фотографирав неколку пати. За целото време ми изгледаа пристојно. Нормално. Се додека не си заминаа, а на нивното место, каде што седеа, остана нивното ѓубре. Празни пластични шишиња и ќесе полно со ѓубре.
Нивната некултура ми го расипа денот. Не ги видов на време, инаку убаво ќе им кажев. Или ќе ги фотографирав, и онака тоа го правеа цело време. И фотографиите ќе ги објавев на социјалните мрежи и ќе го покажев нивното вистинско лице, нивната некултура. Вака морав јас да им го соберам и фрлам ѓубрето! “ напиша една мајка на социјалните мрежи револтирана од немилиот настан што и се случил за време на годишниот одмор покрај Охридското езеро.
