Може ли да добијат смртна казна осомничените за свирепото убиство на малата Вања и Панче?

Откако на социјалните мрежи почна да се шири петиција за враќање на смртната казна, се огласи и министерот за правда на Македонија, Кренар Лого. Како што истакна тој, уставот на нашата земја забранува смртна казна, но според него тоа би било спас за овие монструми.

Тој посочи и дека доживотната казна затвор за виновниците е најмалата казна што треба да ја изречат нашите институции.

Министерот изрази надеж дека сторителите на убиството на малолетната Вања и 74 годишниот Панче Ж. од Велс, кои не беа во роднинска врска и меѓусебно не се поврзани, ќе бидат најостро казнети.

Фото: Фејсбук

Во однос на смртната казна, министерот Лога потенцираше дека македонскиот Устав ја забранува, а исто така имаме и усвоени протоколи и конвенции кои ја забрануваат смртната казна.

Првата жртва на монструмите (Фото: Фејсбук)

,,Јас сум меѓу тие граѓани во оваа држава кои мислат дека смртната казна би била спас за тие монструми и сум на таа страна тие да ја доживуваат до крајот на својот живот во нивната свест за тоа што имаат направено и секој ден да ја доживуваат се потешко за овој настан.

„Доживотната казна затвор е најмала казна што треба да ја изречат нашите институции” изјави министерот за правда.

„Денеска е тажен ден за Македонија. Потресени сме и шокирани од настанот. Доживотен затвор е најмалата казна која треба да им се изрече на монструмите од оваа трагедија. Верувам во МВР и во ЈО дека на крајот, судот ќе ја изрече соодветната казна и правдата ќе излезе на виделина” рече тој.

Фотографија од првоосомничениот во случајот (Фото: Фејсбук)

Потсетуваме, малата Вања беше киднапирана на 27 ноември околу 7.20 часот наутро, кога излегла од дома и тргнала кон училиштето.

Таа е совладана и врзана во влезот од зградата, во строгиот центар на градот, а по неколку часа е и убиена, на локација во близина на Скопје. Нејзиното тело е пронајдено на 3 декември во атарот на селото Бразда, а недалеку од таму пронајдено е и возилото со кое беше грабната.

Фото: Фејсбук

Tелото на малата Вања Ѓорчевска беше пронајдено откако осомничените лица го признаа делото во полиција.

Тие посочиле каде ја закопале девојката, но и берберот од Велес кого претходно го убиле и му го одземале автомобилот.

Како што беше наведено уште од првичното соопштение од МВР, мотивот бил користољубие.

За овие две грозоморни убиства обвинети се пет лица, меѓу кои е и таткото на девојчето, а едно лице е во бегство.

Фото: Фејсбук

Телото на 14-годишната Вања е предадено на семејството, обдукцијата е завршена

Обдукцијата врз телото на 14-годишната Вања Ѓорчевска во Институтот за судска медицина и криминалистика во Скопје е завршена во текот на вчерашниот ден и телото е предадено на семејството, потврдуваат за МКД.мк извори од истрагата. Анализите по извршената обдукција која треба да ги утврди причините за насилната смрт, времето кога девојчето починало… се во тек и откако целосно ќе завршат, ќе биде изготвен обдукционен извештај кој со сите комплетни податоци и анализи ќе биде предаден на Основното јавно обвинителство Скопје.

Овој извештај ќе биде дел од клучните докази во истрагата за овој грозоморен настан.