Мајсторите на престижната модна куќа потрошија повеќе од 600 часа на изработка на овој фустан – во прашање е модел со долг вел, целосно украсен со раскошен, рачно изработен вез и голем број скапоцени камења.
На „модните Оскари“ – The Fashion Awards, во Лондон, неодамна беа прогласени најдобрите дизајнери и модели на годината, а најпознатите модни инсајдери го избраа и главниот фустан за 2018 година.
Оваа година беше богата со креации со неверојатна убавина и сложени, софистицирани дизајни, но сепак мислењата на експертите во модната индустрија беа едногласни. Фустанот, кој ќе влезе во историјата како најдобар за 2018 година, е луксузниот бордо фустан со раскошен златен вез и со потписот на „Atelier Versace“, со кој Блејк Лајвли се појави на црвениот килим на Мет Гала во 2018 година.
„Од сите фустани што ги носев на свечени церемонии, оваа креација ми е омилена“ – изјави познатата актерката за преубавиот фустан за која на мајсторите од модната куќа им беа потребни повеќе од 600 часа за да го изработат.