Младата „Гранд ѕвезда“ со македонски корени си ја отвори душата: РАЗОЧАРАНА во љубовта, никому не верува (ФОТО)
Нејзините песни веќе се хитови на целиот Балкан…
Младата пејачка се прослави во популарното музичко шоу, а неодамна се шушкаше дека момчето ја изневерува со мажена жена.
Иако не го освои првото место Зорана Миќановиќ важи за една од оние пејачки кои за кратко време изградија успешна кариера по учеството во музичкото шоу.
Таа овој пат пред камерите на Гранд телевизија си ја отвори душата и се присети на една своја стара љубов.
Во прашање е нејзината прва љубов во животот, на која за жал нема баш најубави спомени.
„Јас бев некаде околу седум, осум месеци со него, но тој пред мене шест години беше со омажена жена, јас тоа не го знаев и наседнав на неговата приказна. Со него не бев со години во врска како што објавија некои, туку само тие неколку месеци“, изјави младата пејачка пред камерите.
И бидејќи тоа и беше првата врска во животот, Зорана призна дека по лошото искуство се разочарала во мажите.
„Тој беше мојата прва љубов, моето прво момче. Некако не ја изгубив верата и надежта во љубовта, но сега можам да кажам дека на никој повеќе не му верувам, па дури ни на деловните партнери. Кога премногу веруваш, некако се случува да бидеш изненаден, па тогаш навистина треба да внимаваш на сите овие работи“, заклучи Зорана во емисијата „Гранд њуз“.
Инаку Зорана во една од претходните емисии во истата телевизија откри дека нејзината мајка има македонско потекло.
Таа тогаш посебно ја изненади нашата публика, а во истата емисија беше и младиот пејач од Скопје, Дамјан Димевски.
Тие заедно се натпреварувале и во „Некои нови клинци“, а едно време се шушкаше и дека има нешто повеќе меѓу нив.
Но тие и двајцата ги демантираа овие гласини, а Зорана по шоуто, со својата прва песна го воодушеви целиот регион.
Песната денес има милионски прегледи и беше прва на сите трендинг листи во регионот, а тоа позитивни се одрази и на нејзината кариера.
Цената на нејзините настапи рапидно скокна, а потоа и новата песна што ја објави ја воодушеви нејзината публика.
Таа е поприлично популарна и на социјалните мрежи, а некои од нејзините најдобри изданија погледнете во продолжение:
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Инстаграм/ Зорана Миќановиќ
Фото: Гранд
