Меланија при посетата на Британија ја ископира Меган Маркл?

Меланија и Доналд Трамп се на својата прва официјална посета на Велика Британија. 

Фустанот со кој првата дама на Америка слета во Лондон несомнено потсетува на некои што ги носеше новата војвотка од Сасекс во последно време па светските медиуми се прашуваат дали Меланија беше инспирирана од стилот на Меган или во прашање е само дипломатија.

Како и да е, Меланија во Британија стигна во фустан од францускиот дизајнер Роланд Мурет кој е многу сличен со оној што Меган Маркл го носеше за време на своето прво службено патување во Ирска.

Според „Vanity Fair“ и двата фустани се во слична беж нијанса, со сличен припиен крој и грациозно деколте.

Иако оставаат можност и дека станува збор за чиста случајност, престижниот американски магазин потсетува и на неодамнешната незгодна ситуација на Меланија со јакната од Зара од минатиот месец, по која стана потполно сигурна дека Американците го следат нејзиниот стил.

Копирајќи го во моментот стилот на најпопуларната дама во Обединетото кралство, особено за Американците, секако дека и првата дама не може повторно да погреши.