Махир остана без својата мајка додека се бореше за финалето – ова беше најемотивниот момент во „Ѕвездите на Гранд“ (видео)
Мамо, ова е за тебе!
Најемотивниот момент во шоуто следуваше кога Саша Поповиќ го прогласи победникот.
Пејачот Махир Мулалиќ не можеше да се воздржи кога слушна дека победува, па се расплака од среќа, а прва му честиташе неговата менторка Марија Шерифовиќ.
Махир потоа пред новинарите од српскиот Блиц откри дека победата и ја посветува на својата мајка чиј живот згасна додека тој се натпреваруваше во шоуто.
„Победата и ја посветувам на мојата мајка. Те сакам“, изјави потресно Махир.
Само да потсетиме, Махир остана без својата мајка на 3 април, во моментите кога се бореше за влез во финалето.
Тој тогаш објави една фотографија од мајка му и напиша емотивна порака со која никого не остави рамнодушен.
„Што и да напишам во овој момент, малку е… Мајка е мајка… Кога имате мајка чие значење е името жртва тогаш знаете за што зборувам… Твојата неизмерна добрина, длабокото разбирање, квалитетното воспитување и се што ни остави во аманет е нешто што и понатаму ќе живее со нас…
Ти беше и остана наше светло… Нашиот победник… Зрачеше со ведрина која што малкумина ја имаат… Убаво зборови, добри дела, скратување на своите желби за да на другите им пружиш сé што беше во твојата моќ… Уште многу работи убави би сакал да кажам, но ќе го оставам тоа за нашата идна средба. Те сакам МАЈКО“, напиша тогаш Махир на својот Инстаграм.
По прогласувањето прва му честиташе неговата менторка, Марија Шерифовиќ, а потоа и сите колеги од натпреварот.
„Толку сум возбуден и сум под импресии, не може да се опише, ќе се соберам дури по неколку дена. Буквално се тресам. Кога снимав порано, морав да примам инфузија, беше ова еден луд ден“, изјави Махир по победата.
Шерифовиќ излезе со кандидатите
По победата Марија Шерифовиќ своите кандидати ги изнесе во една кафеана, каде се забавуваа лудо и незаборавно.
Таа потоа на социјалните мрежи покажа како се забавуваат, сите весели и расположени.
Таа го снимаше цело време Махир, кој не ја криеше среќата заради победата во најгледаното шоу во регионот.
Со нив беше и Џејла Рамовиќ која победи во претходното шоу, а на која Марија исто така и беше ментор.
Фото: Инстаграм/ Џејла Рамовиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
Фото: Инстаграм/ Махир Мулалиќ
