Малите Хана и Дарен пораснаа – Тамара Тодевска ги разнежи сите со фотографија од нејзините преслатки дечиња
Тамара малиот Дарен го доби на 12 декември минатата година
Познатата пејачка и нејзиниот сопруг, поранешниот кошаркар Александар Димитровски – Мачка, имаат две деца – ќерката Хана и синот Дарен на кого за помалку од два месеци ќе треба да му го прослават првиот роденден.
Тамара секое свое слободно време го користи за да биде со своите дечиња, а на својот профил на социјалните мрежи не ретко објавува фотографии со нив.
Па така една од последните фотографии што Тамара ја објави на социјалните мрежи и со која посебно ги разнежи нејзините обожаватели е онаа на која се гледа како братчето и сестричката си играат.
Преслаткиот Дарен за помалку од два месеци треба да наполни една година, а малата Хана во април наполни две, па не е ни чудо што толку брзо се менуваат и брзо растат.
Инаку, Тамара својата победничка евровизиска песна „Proud“ ја посвети на својата ќерка Хана.
Таа го кажа тоа непосредно пред почетокот на Евровизија, во интервју за еден медиум од Тел Авив.
„Плачев цело време додека ја снимав песната. Бев многу емотивна и нормално е публиката да ја чувствува таа емоција, бидејќи јас давам сè од себе, душата, срцето, секоја солза на таа песна. Плачам бидејќи е за ќерка ми, многу ми недостига. Навистина ми недостига. Песната е за неа, таа беше мојата инспирација“ – изјави тогаш Тамара.
