Познатата пејачка и актерка Талија (51) се појави на снимањето на емисијата „Тудеј“ во Њујорк во интересно џинс одело.
Многумина беа воодушевени од ова нејзино издание, посебно што познатата дама како воопшто да не се променила за сиве овие години.
Имено, Талија се уште ја има истата насмевка со која што пленеше и во своите најубави години додека играше во серијата „Росалинда“.
И покрај тоа што е во шестата деценија од животот, се уште изгледа неверојатно, а со ова свое тренди пролетно издание ги воодушеви модните критичари ширум светот.
Познатата пејачка и актерка од Мексико која се прослави со споменатата серија, за оваа пригода носеше широки панталони од џинс и „кроп-топ“ јакничка од истиот комплет, а целото издание го заокружи со бели спортски патики, големи сребрени обетки, очила за сонце и кафеава Биркин чанта која чини цело богатство.
Инаку Талија, односно Аријадна Талија Соди Миранда Монтола, како што гласи нејзиното цело име, е честа гостинка на гала настани.
Неодамна беше наградена на доделувањето за Жена на годината на магазинот „Билборд“, а поприлично е активна и на својот профил на социјалните мрежи каде можеме да ја видиме во најразлични изданија.
Од нејзините фотографии можеме да видиме дека изгледа речиси исто како и пред неколку децении, а можеби и подобро.
Талија покрај својата успешна кариера како пејачка и актерка, може да се пофали и со својот хармоничен брачен живот. Таа во 2000 година се омажи за 22 години постариот музички продуцент Томи Монтола со кого има две деца – ќерката Сабрина и синот Метју Алехандро.
Нејзиниот сопруг, пред да се ожени со неа, пет години беше во брак со Мараја Кери, од 1993 до 1998 година.
Во Македонија најмногу е позната по серијата „Росалинда“ во која што ја играше главната улога и со која го освои светот.
По улогата во оваа серија, Талија престана да глуми во теленовели, но продолжи со филмски улоги (Mambo Café, The Minions).
Таа се уште вредно работи на својата музичка кариера, а нејзините последни албуми се „Latina“ и „Valiente“.
Позната е и како голема хуманитарка, а се занимава и со моден дизајн преку кој ги пренесува елементите на мексиканската култура.
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
Фото: Инстаграм/ Талија
