Македонската пејачка побара помош за да продолжи „Проект среќа“- „Другари, ако секој од вас може да донира по 300 или 150 денари“
Познатата македонска пејачка освен што одлично пее, таа неколку години се занимава со хуманитарна работа.
Убавата пејачка и автор Кристина Арнаудова веќе неколку години стои зад здружението „Проект среќа“, кое има за цел да помага на децата кои живеат во социјален ризик да имаат посреќно детство.
Кристина за првпат се пробува како водителка, а сега на својот фејсбук-профил таа побара помош од други хумани граѓани за да може да продолжи со проектот.
-Другари, ако секој од вас може да донира по 300 или 150 денари месечно за нас и нашата работа овде на Patreon, тоа за нас би била неверојатен ветер во грб!
Проект Среќа последниве две години ги изгуби скоро сите компании пријатели заради економската криза, и секојдневно се бориме за опстанок.
Сите средства ги усмеруваме кон градење и помош на оние на кои им треба! Но реалноста е дека нам ни треба помош за да ја продолжиме работата!
Ние за разлика од повеќето не сме корисници на грантови ниту имаме некаква голема поддршка од било кого. Затоа Вие сте ни единствена надеж.
Вие кои знаете дека работиме за Вас и дека сме тука секогаш кога ви требаме! Поддржете не и донирајте месечно симболична сума која нам ќе ни биде голема помош!“ напиша Кристина.
Кристина за „Женски магазин“ сподели дека нејзината мајка, за која често изјавува дека ѝ е најголемиот херој ја родила на 19 години. И покрај инсистирањето на семејството да биде дадена во дом за деца, Арнаудова вели дека љубовта и упорноста на мајка ѝ победила, и таа растела среќно крај неа.
Таа во истото интервју вели дека од мала сакала да помага.
Кога бев доволно голема да разберам, сфатив дека мајка ми која ме родила на 19 години, е заслужна за тоа што јас растам со неа, а не во дом за деца, иако нашето семејство инсистирало да бидам дадена во дом.
Тогаш сфатив дека она кое ме дели мене од децата кои се во дом, е само мал момент на одлука, мал момент на инает и љубов, став, и отпор кон предрасудите. Тогаш го добив тој голем порив да им помогнам. Не знаев точно како, но со текот на времето таа желба се искристализира во точна визија. И така се роди „Проект Среќа“.
Кристина е активна на социјалните мрежи и со сите сили се бори да може овој проект да продолжи со работа и вели дека Занимавањето со хуманитарна работа луѓето ги менува. Ги прави благодарни. Нема поубаво нешто од тоа да си благодарен. За се. За храната, кровот, среќата, децата здравјето.
Таа не запре и во време на пандемија па за „Женски магазин“ рече дека имаат поделено околу 100 уреди за следење на онлајн настава како што се таблети, компјутери и лаптопи.
Кристина има двајца синови и вели дека во наследство сака да им ја остави најубавата професија во светот, а тоа е да помагаат.
