Краток филм за татковството што секој родител треба да го погледне го расплака интернетот
Иако видеото беше објавено пред две години, деновиве повторно стана вирално. И тоа со причина.
Имено, краткиот анимиран филм на Алике на Јутјуб досега е прегледан повеќе од 8,5 милиони пати, а многумина ги натераа да размислуваат за тоа каки се како родители. Во прашање е филм кој едноставно ја опишува врската помеѓу таткото и детето, но исто така покажува колку брзо овој однос може да биде разрушен под влијание на околината.
Оваа интересна анимација започнува со татковото подготвување за на работата и подготовката на училишниот ранец на неговиот син. Иако таткото е сосема рамнодушен, момчето е разиграно, исто како и повеќето деца. На патот кон училиште, тие сретнуваат уличен свирач кој свири на виолина под едно дрво, и кој возрасните дури и не го забележуваат. Иако момчето е воодушевено од музиката, таткото го одвлекува за да стигнат на време до дестинацијата.
Целиот свет освен детето е безбоен, а пред самиот крај на филмот, и момчето почнува да ја губи бојата, заиграноста како и сопствената особеност. Сепак, крајот е малку неочекуван. Како што истакнуваат режисерите Дание Мартинез Ларе и Рафе Кано Мендеза, поентата е во тоа што децата треба да се остават да летаат и да ја развиваат својата особеност, а не да бидат копија на другите.
Многумина се согласија дека филмот им ги насолзил очите, но и ги освестил за тоа како треба да се однесуваат.
„Сите ние како општество треба конечно да се разбудиме“, заклучи еден корисник на Јутјуб.