Кој ќе се замараше да оди по НАГРАДА во Италија!? Македонскиот режисер „им се заблагодари“ на МВР
Сакам да им кажам фала на МВР што пасошот се уште не ми е готов, кој ќе се замараше да оди во Италија во моја чест да се трујам со скапо вино и пармезан. Среќа - напиша Ставрески
Популарниот македонски режисер Ѓорче Ставрески, оваа година за филмот „Дали си маж“ ја доби главната награда – Најдобар интернационален филм, на престижниот фестивал Адриатик филм фестивал (Adriatic Fillm Festival) во Италија.
Но, Ставрески не бил во можност лично да си ја подигне наградата. Причината е тоа што немал пасош со новото уставно име.
Очигледно режисерот не успеал на време да го добие документот поради предолгото чекање за пасоши кое ги разлути многу граѓани.
Тој револтот го покажа и јавно, па на неговиот фејсбук профил соопшти за наградата и напиша:
Викендов беа доделени наградите на фестивалот Adriatic Film Festival. Повторуваме Дали си маж / Are You a Man ја доби главната награда! Сакам да им кажам фала на МВР што пасошот се уште не ми е готов, кој ќе се замараше да оди во Италија во моја чест да се трујам со скапо вино и пармезан. Среќа.
Честитки на актерите и екипата!
