Кога љубовта ќе победи – Емина му се врати на Мустафа. Нивните деца се најсреќни

Турските и српските медиуми деновиве објавија дека Емина Јаховиќ (37) откако раскинала со турскиот милијардер Садетин Саран (55) решила да му се врати на својот поранешен сопруг Мустафа Сандал (49).

Ваквите гласини ги подгреаја и најновите фотографии на кои пејачката позира со својот поранешен и нивните синови.

Фотографиите Емина ги објави на својот профил на Инстаграм и се направени во авион, но засега не е позната дестинацијата на која што заминале.

Од фотографиите можеме само да видиме дека сите се расположени, среќни и насмеани, а највесели се нивните деца.

Набргу откако се појавија првите фотографии, Емина објави и видео, а потоа се огласи и познатиот турски пејач.

Но неговата објава е малку поинаква.

Имено, од неа можеме да видиме дека Емина гледа во телефонот и воопшто не обраќа внимание на поранешниот.

Како и да е нивните заеднички фотографии ги подгреаја гласините дека Емина и Мустафа се смириле.

Оваа вест тие досега ја немаат потврдено, но ја немаат ни демантирано, така што засега не е познато што навистина се случува меѓу нив.

Но она во што сме сигурни е дека нивните деца во овој момент се најсреќни. А и тоа е единственото нешто што е важно…