Кога жените би се грижеле за своите мажи како јас, би немало толку РАСТУРЕНИ бракови во целиот свет, вели оваа жена
Нејзините изјави предизвикаа лавина од различни коментари на социјалните мрежи.
На оваа млада жена животот и минува во потполна грижа за сопругот и нивните деца.
Бронте Ролингсон (29) од Велика Британија на прв поглед е една обична млада жена. Но кога ќе ги запознаете подобро нејзините навики, ставови и стил на живот, брзо ќе видите дека таа не е обична домаќинка и жена.
Имено оваа жена избра целиот свој живот да го потчини на својот сопруг Филу (35) и децата Амелија (9), Феноли (6) и 18 месечната Теодора.
Како што кажува, школувањето го напуштила рано, бидејќи кариерата не ја интересирала, а своето прво дете го родила со неполни 20 години.
Нејзиниот сопруг е сопственик на водоинсталатерска фирма и тој се грижи за финансиите.
Од друга страна пак, таа е одговорна за воспитувањето на децата и на масата да има топол ручек.
Верувам дека една од причините за толку голем број на неуспешни бракови е тоа што жените не се однесуваат онака како што сакаат мажите. Знам дека мојот сопруг сака да биде гален и да внимавам на него. Го сака тоа што сум вистинска жена, бидејќи тој така може да биде вистински маж, изјави Бронте, а пренесе британскиот „The Sun“.
Нејзиниот ден започнува во шест часот наутро, кога станува и почнува со подготовка на појадокот. Потоа ги носи децата на училиште, а кога ќе се врати, започнува да чисти. Потоа оди во продавница за да купи потребни намирници.
Таа не крие дека понекогаш и е напорно, но не сака да се жали. Ужива во улогата на домаќинка и никогаш не се попишманила што избрала таков живот. Како што самата вели, нејзините родители се разочарале, бидејќи многу вложувале во неа. Односот измеѓу мене и нив беше напнат, но сега се полека се враќа во нормала, вели оваа жена.
Таа признава дека и покрај тоа што не е вработена, сепак тешко наоѓа слободно време.
Таа вели дека би си го олеснила животот доколку се потпре повеќе на готови и полуготови производи од продавница, но не сака нејзиното семејство да јаде нездрава, туку здрава храна, подготвена во домашни услови.
„Не се жалам, уживам во својата улога на сопруга во вистинската смисла на зборот“ вели таа и додава:
„Секој го избира сам својот начин на живот, а јас сакав традиционална улога на жена во стилот на 50-тите“, вели таа.
„Не сакам кариера затоа што таа би ме оддалечила од семејството. Познавам многу луѓе што своите деца им ги оставаат на дадилки, но јас сакам да сум тука за нив“.
„За мене универзитетот и добрата кариера не се најважните раоти на светот како на некои, и тоа е во ред. Но сепак, денес е толку голем притисокот на жените да се инфилтрираат во машкото опкружување што традиционалната женственост често се потценува и дискредитира. многумина сметаа дека нема смисла образовани жени да бидат домаќинки“, заклучи таа, а пренесе британскиот портал „The Sun“.
Бонус галерија
Фризерка и шминкерка направија овие жени да изгледаат 10 години помладо
Професионалните „мејк-ап“ артисти станаа вистински уметници и тоа го докажуваат речиси секојдневно со фотографии од нивните задоволни клиенти.
Покрај шминката, тука е и фризурата, посебно што жените кога сакаат да направат некоја промена во животот тргнуваат од косата.
Тоа колку шминката и фризурата имаат моќ докажуваат и овие жени од Русија. Имено, шминкерката Оксана Трунова и фризерката Олга Тарасова го здружија силите и со своите раце направија вистинска магија.
Погледнете ги нивните среќни муштерики како изгледаат пред и по трансформацијата.
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Фото: Инстаграм/ Оксана Трунова
Па што мислите за жената од почетокот од овој текст? Или за овие трансформации?
Споделете ги вашето мислење со нас во коментарите…
