Кина на прагот на медицинска револуција: Истражуваат вакцина против короната во форма на спреј

Вакцината против ковид-19 во форма на спреј за нос е одобрена за клинички испитувања во Кина, објави агенцијата Синхуа повикувајќи на Универзитетот во Хонгконг.

Како што наведува агенцијата, тоа е прва вакцина против ковид-19 во форма на спреј за нос, кој Државната управа за храна и лекови ја одобри за клинички испитувања врз луѓето.

Претходно компанијата „Чајна нешнал биотек груп“ соопшти дека веќе постојат шест вакцини кои се направени во Кина против ковид-19 и кои моментално се наоѓаат во фаза на клинички испитувања.

Во светот бројот на заразени со коронавирус  надмина 28 милиони. Вирусот е потврден кај 28.029.608 лица, покажуваат податоците на порталот „Ворлдметерс”.

Вкупно 908.050 луѓе nочинаа од вирусот, а 20.106.316 луѓе се излекувани.

САД, Индија и Бразил имаат најголем број заразени, каде што има и најголем број смртни случаи.