Кејт Мидлтон го копира стилот на кралицата Елизабета?
Наместо модерни, војвотката почна да „фура“ построги кроеви
Со месеци се шпекулираше дека наследството на британската круна ќе прескокне една генерација – наместо на принцот Чарлс, новиот крал, наводно, ќе биде најстариот внук на кралицата Елизабета, принцот Вилијам. Неговата сопруга, Кејт Мидлтон, тогаш ќе добие титула на принцеза, а многумина коментираат дека веќе почнала да се подготвува за својата нова улога, почнувајќи од стилот на облекување.
Наместо да биде модерна како порано, почна да ги избира построгите кроеви, според моделот на кралицата Елизабета. Иако секогаш се облекуваше според кралските правила – многу пристојно, умерено, но сепак модерно, неодамна при посета на Лестер, војвотката од Кембриџ избра многу построга комбинација на облекување.
Во неа доминираше сив капут со црни детали, црни хулахопки и салонки. Меѓутоа, она што најмногу ги изненади беше сериозното лице на војвотката од Кембриџ, која инаку е препознатлива по нејзината широка насмевка. Но без разлика дали станува збор за подготовките за нејзината нова улога или не, едно е сигурно – ова издание совршено и стои на убавата британска војвотка!
Погледнете уште неколку нејзини феноменални изданија…
