Овој тренд повеќе не е резервиран само за екстремно ниски температури или кога одиме на зимување
Јакните со пердуви оваа зима го пронајдоа своето место во плакарите на бројни тренди девојки и жени од целиот свет. Тие беа еден од најголемите трендови во изминативе неколку месеци, а бидејќи повеќе од очигледно е дека зимата нема да не напушти многу брзо, ќе бидат популарни и во преодниот период.
Благодарение на брендовите „Ienki Ienki“ и „Moncler“ односно на познатите модни куќи како што се „Balenciaga“, „Versace“, „Coach“ и „Vetements“, овие јакни повторно се во фокусот, а можеме да го носиме буквално со сé, од класични зимски изданија, до романтични и опуштени комбинации со фустани и здолништа.
Оваа година, па и следната, можеме да ги носиме дури и со костум и да изгледаме апсолутно шик.
Најпосакуваните јакни со пердуви оваа сезона ни пристигаат во ведри пастелни бои и металик варијанти, а доколку изберете црн модел – побарајте јакна со сјај со која ќе изгледате шик и во вашите зимски комбинации.
