Младата пејачка Џејла Рамовиќ (18), како што објави „Аваз“, била заразена со коронавирус, но успешно го пребродила.
„Утрово правев тест и негативна сум“, напиша таа на Инстаграм.
Штом дознала дека била во контакт со заразено лице, пејачката се тестирала. Откако наодот покажал дека е инфицирана со корона, таа се повлекла во самоизолација со семејната куќа, пишува „Аваз“.
Инаку, Џејла годинава го прослави својот 18-ти роденден. Таа стана полнолетна на 29 април, но заради корона вирусот не можеше да направи голема прослава.
„Го прославив роденденот со семејството и беше убаво“ – истакна таа тогаш во интервју за Аваз.
Џејла публиката ја засака за време на музичкиот талент шоу „Некои нови деца“, во кое победи, а потоа истото сценарио се повтори и во „Ѕвездите на Гранд“ каде исто така го освои „пехарот“.